Rubén Arroxo e Alexandre Penas amosan as instalacións da casa consistorial a estudantes do colexio Franciscanos
Os edís amosáronlles o funcionamento do Concello e contestou ás preguntas e suxerencias da mocidade.
Nun xogo realizado coas nenas e nenos, simulouse un pleno municipal onde o grupo de escolares propuxo distintas iniciativas.
- Tema
- Benestar social,
- Desenvolvemento social,
- Servizos sociais,
- Desenvolvemento local,
- Educación,
- Centros de ensino,
- Educación pública
O Tenente de Alcaldesa, Rubén Arroxo, e o concelleiro de Infraestruturas Urbanas, Alexandre Penas, recibiron a dous grupos de estudantes do Colexio Franciscanos de Lugo. Durante a visita, os concelleiros explicaron o funcionamento da Administración e o papel da veciñanza nela, e amosaron as distintas instalacións da Casa Consistorial, na praza Maior, como o Salón de Plenos ou os conxuntos escultóricos adquiridos polo Concello e expostos permanentemente na sede municipal.
Temas como a mobilidade ou a programación cultural da cidade foron os protagonistas das dúbidas achegadas polas nenas e nenos que realizaron a visita. Penas manifestou a súa satisfacción por recibir esta visita no Concello, e animou aos centros educativos de Lugo a programar visitas á Casa Consistorial.
Unha vez situados no Salón de Plenos, as e os estudantes organizáronse en diversos grupos e simularon un pequeno pleno onde realizaron propostas como a creación dun parque acuático ou un servizo de salvamento de animais, ademais de debater ante a difícil decisón de escoller a mellor larpeirada do mundo.
Audio
- O concelleiro de Infraestruturas Urbanas, Alexandre Penas, sobre a visita dos escolares ó Concello | Descargar mp3 [1]