O Colexo Rosalía de Castro beneficiarase do plan de seguranza dos entornos escolares posto en marcha pola Tenencia de Alcaldía do Concello de Lugo. O proxecto da obra foi presentado, ante representantes da ANPA e da dirección do centro, por Rubén Arroxo. O Tenente de Alcalde estivo acompañado de ediles de educación e infraestruturas, Iria Buide e Alexandre Penas.

Este tamén é un dos cinco centros da cidade incluidos no programa de vieiros escolares seguros "facilita a conciliación familiar, ademais de promover hábitos de vida saudables e reducir o tráfico rodado na contorna dos colexios" dixo Rubén Arroxo que asegurou que esta actuación complementa o proxecto "Camiño ás Aulas".

A obra foi licitada na Xunta de Goberno Local con un importe base de 139.610, 02 euros e un prazo de ececución de 3 meses. As empresas que se presenten a concurso poderán baixar este importe para obter a correspondente adxudicación e facer a obra no prazo acordado polo goberno municipal.

Rolda de prensa Xunta de Goberno Local

O Tenente de Alcalde tamén informou de outros asuntos aprobado na Xunta de Goberno como o asfaltado da rúa da Agricultura, no polígono do Ceao, cun orzamento de  134.692,38 euros e un prazo de execución de 12 semanas e a licitación do servizo de reprografía do arquivo municipal que parte cun orzamento de 6.546,10 euros e farase un contrato dun ano e prorrogable a 5 máis.

Audio

• O edil Rubén Arroxo, sobre o entorno do Colexio Rosalía | Descargar mp3 [1]