Rubén Arroxo anuncia descontos no prezo do bus urbano e transbordos gratuítos
O Tenente Alcalde animou á veciñanza “a sacar a tarxeta cidadá para desfrutar dos novos descontos no transporte público de Lugo, que continúa a ser o máis barato de Galiza e o terceiro máis barato do estado”.
O Concello de Lugo recibirá a financiación do financiación do Ministerio de Transportes, Movilidad y Agenda Urbana para o transporte público.
Os descontos aplicaranse entre o 22 de setembro e o 31 de decembro, quedando o billete ordinario en só 31 céntimos.
- Tema
- Desenvolvemento social,
- Desenvolvemento local,
- Desenvolvemento económico,
- Economía,
- Buses urbanos,
- Transporte,
- Urbanismo
O Tenente de Alcaldesa, Rubén Arroxo, anunciou que o Goberno de Lugo bonificará o prezo do bus urbano utilizando a tarxeta cidadá. Arroxo explicou que “con esta medida continuamos a promocionar o bus urbano de Lugo, o transporte público máis barato das cidades galegas e o terceiro máis barato do estado”. A Xunta de Goberno vén de aprobar a solicitude ao Ministerio de Mobilidade, para que o transporte público do Concello de Lugo poida acollerse ás bonificacións aprobadas ata final de ano.
As novas bonificacións do 30% no billete, aplicaranse a partir do 22 de setembro, e durarán ata o 31 de decembro. As persoas que durante este período utilicen o bus urbano pagando coa tarxeta cidadá, poderán viaxar en bus por só 31 céntimos, mentres que o billete bonificado (mocidade, estudantes, persoas desempregadas, pensionistas e minusválidas) custará 21 céntimos, sendo gratuítos todos os transbordos.
Os descontos só se aplicarán utilizando a Tarxeta Cidadá, un dos requerimentos do estado para acceder á bonificación do 30%. Para obter a tarxeta cidadá, deberá cubrirse o formulario que se pode atopar na web do Concello, ou recollelo nas oficinas municipais do seminario, e pagar a taxa de 3,09€ nunha oficina de Abanca. Despois, deberá pedirse cita para retirar a tarxeta nas oficinas do Concello. A recarga do moedeiro será, como mínimo de 5€, cun máximo de 60€.
Audio
- O edil Rubén Arroxo, sobre a bonificación do bus urbano | Descargar mp3 [1]