Mañá mércores, día 05 de xaneiro, como en anos anteriores, vaise celebrar a tradicional Cabalgata de Reis, a cal partindo do Parque de Frigsa sobre as 18:00 horas, discorrerá pola Rúa Monte Faro, Avenida da Coruña, Porta de San Fernando, Praza de Ferrol, Rúa San Marcos, Praza de Santo Domingo, Rúa Raíña e Praza Maior, onde está previsto que chegue sobre as 19:00 horas.

Debido a iso, en distintos puntos do itinerario, vai ser necesario efectuar cortes de tráfico intermitentes, que poden afectar ás seguintes rúas: Río Narla, Curros Enríquez, Perpetuo Socorro, Xulia Minguillón, Outeiro Pedrayo, García Abad, Rolda dá Muralla, Rúa Castelao e Monforte.

Así mesmo, os traxectos dos autobuses urbans que transcorran polas rúas afectadas pola cabalgata, sufrirán pequenos desvíos cara a outras rúas para non interromper o seu funcionamento. Unha vez que a comitiva pasase pola zona as liñas volverán ao seu percorrido habitual.

Para iso montouse un operativo composto por efectivos da Policía Local e Protección Civil, que desprazados aos distintos cruzamentos do itinerario previsto, desviarán o tráfico segundo as necesidades de cada momento.