O Goberno Local, por decisión da Concellería de Protección da Comunidade, decidiu cortar ao tráfico as seguintes rúas, por mor das chuvias rexistradas esta noite na cidade:

- Serra de Meira
- Fervedoira con Ronda Norte (pista que vai As Gándaras)
- Rúa do Carmen (á altura do bar Pajón)
- Ponte do Mera (Orzabai)
- Vilaestévez (zona de Madeiras Besteiro).

A Concellería que dirixe José Rábade tomará novas medidas para a fin de semana que se anunciarán ao longo do día de hoxe.

O Goberno Local traballa para recuperar a normalidade nas zonas citadas e lamenta as molestias que se poidan ocasionar aos condutores que teñan que desprazarse.