A Concelleira de Cultura, Turismo, Xuventude e Promoción da Lingua, Carmen Basadre, entregou este mércores os diplomas e certificados de asistencia ós 47 alumnos participantes nos distintos cursos de formación +Xti que se impartiron na Casa da Xuventude.

Dentro deste programa impartíronse os cursos de monitor medioambiental, comercial de ventas, creación de tendas online e curso e iniciación á pastelería, cos que se pretende favorecer aos mozos e mozas a súa ocupación e incorporación laboral a través de formacións demandadas e que conteñen un interese e atractivo para a mocidade.