Axentes da Policía Local detiveron hoxe, día 23 de abril, na rúa Illas Canarias ás 04.45 horas, a J.B.J. de 47 anos, veciño desta cidade como presunto autor do roubo dun vehículo camión formigoneira.

A Policía Local foi alertada de que un camión chocara co edificio nº 8 da praza Primeiro de Maio. Os axentes foron informados no lugar por unha testemuña das características físicas do individuo autor dos feitos, ó que posteriormente localizaron na rúa Illas Canarias. J.B.J. manifestou que non levaba documentación e que se atopaba enfermo.
Mentras os policias trasladaban ó presunto autor ó Hospital Xeral, outra patrulla comprobaba que o camión tiña o puente feito e dentro da cabina unha funda de traballo co DNI do detido no seu interior.
Segundo indicou o propietario, o camión estaba estacionado na obra que se está a facer nas inmediacións da igrexa da praza da Milagrosa.

No seu recorrido, o camión causou danos no edificio nº 8 da praza Primeiro de Maio, na barreira que pecha esta praza e no letreiro do establecemento sito no nº 285 da avda. da Coruña.
O detido quedou ingresado no Módulo de Seguridade do centro hospitalario.