Axentes da Policía Local estiveron varios días intentando localizar ao condutor dun camión con matrícula estranxeira estacionado na ronda do Carme.

Segundo denunciaron veciños da zona á Policía, o vehículo levaba estacionado varios días e desprendía mal olor.

Os axentes averiguaron que o condutor sufrira unha indisposición da que tivo que ser intervido cirurxicamente no Hospital Xeral.

O sábado día 4, foi dado de alta e coa colaboración da Policía Local e do Servizo de Protección Civil puido poñer en marcha o seu camión e continuar a viaxe para o seu país, Polonia. O servizo de Protección Civil coa axuda dunhas pinzas conseguíu encender o motor do camión que tiña a batería descargada.

O condutor identificado, A.K.P., de 26 anos e de nacionalidade polaca conducía o camión matrícula WPR-68-NK, pola ronda do Carme cando se sentíu indisposto polo que se trasladou ao Hospital Xeral onde foi intervido de urxencia e permaneceu ingresado varios días. O camión estaba cargado con fariña de peixe envasada que o levar varios días producía mal olor.