Paula Alvarellos efectiviza a toma de posesión de 2 novos axentes da Policía Local
- Tema
- Benestar social,
- Protección da comunidade,
- Seguridade,
- Tráfico,
- Recursos humanos,
- Emprego público
A alcaldesa de Lugo, Paula Alvarellos, acompañada polo delegado da Área de Xestión Integral de Recursos Internos, Pablo Permuy, e polo Intendente da Policía Local, Jesús Piñeiro, efectivizaba esta mañá a toma de posesión de dous novos axentes que se incorporarán á Administración local logo de superar o correspondente proceso selectivo –oposición en quenda libre– convocado pola Academia Galega de Seguridade.
Os novos axentes son Fernando Adarraga Martínez e Héctor Jato Rodríguez. A rexedora trasladou os seus parabéns aos efectivos polo seu nomeamento, desexándolles sorte no desenvolvemento do seu cometido, “dunha gran relevancia e responsabilidade, sempre ao servizo público de Lugo e da súa veciñanza”.
Deste xeito, Paula Alvarellos deu a benvida aos novos axentes e destacou o importante labor que realiza a Policía Local en prol da convivencia cidadá.