Paula Alvarellos e Ángeles Novo visitaron os tractores da campaña 'Mulleres Tratoras' instalados nas prazas de Lugo con motivo do Día Internacional da Muller Rural
“As mulleres rurais son un exemplo de forza e resiliencia, e hoxe celebramos o seu papel fundamental no desenvolvemento sostible da nosa contorna” subliñou a alcaldesa.
- Tema
- Benestar social,
- Igualdade,
- Accesibilidade,
- Inclusión,
- Medio rural,
- Dinamización rural
A alcaldesa de Lugo, Paula Alvarellos; e a concelleira de Muller, Ángeles Novo; visitaron os tractores da campaña ‘Mulleres Tratoras’ coa que o Concello de Lugo e Fademur visibilizan o papel das mulleres rurais con motivo do Día Internacional da Muller Rural.
Durante a visita, tanto a alcaldesa como a concelleira de Muller e Igualdade destacaron a importancia de dar visibilidade ás historias e experiencias das mulleres que sosteñen o medio rural. A campaña, en colaboración con Fademur, permitirá que os veciños e visitantes de Lugo coñezan, a través dos códigos QR situados nos tractores, as vivencias de seis mulleres rurais que contan en primeira persoa o seu traballo diario, o seu compromiso coa terra e os desafíos aos que se enfrontan. Estes tratores están ubicados na Praza Maior, Augas Férreas e Praza do Ferrol, como parte das actividades programadas para este día.