O venres activarase de novo o foto-vermello da Ronda da Muralla, tras o fallo do Contencioso que ratifica a validez do dispositivo
Dictamina que o semáforo non ten que someterse a calibracións, pois regula o paso combinado de vehículos e peóns nunha intersección, polo que é irrelevante a velocidade á que circula o vehículo que o rebasa en fase vermella
- Tema
- Protección da comunidade,
- Seguridade,
- Tráfico
O Voceiro do Goberno, Miguel Fernández, informou de que na madrugada do xoves ao venres, ás 00.00 horas, se porá en marcha de novo o foto-vermello instalado nun semáforo da Ronda da Muralla, a raíz dunha setenza do Xulgado do Contencioso Administrativo número 2 de Lugo, que desestimou un recurso dun particular contra unha multa, ratificando así a correcta actuación do Concello, tal e como manifestou o edil. O foto-vermello levaba desactivado dende mediados de xaneiro “como medida preventiva”, sinalou Fernández, despois dunha sentenza do Tribunal Supremo sobre un semáforo deste tipo en San Sebastián.
O Contencioso Administrativo resolveu que o dispositivo é legal, e que non ten que pasar calibracións nin controis metrolóxicos, pois limítase a regular o paso combinado de vehículos e peóns nunha intersección e, por elo, resulta irrelevante a velocidade a que circule o vehículo que o rebasa en fase vermella.
Audio
- Miguel Fernández, sobre a reanudación do foto-vermello da Ronda da Muralla |Descargar mp3 [1]