O Vello Cárcere acollerá esta semana dúas conferencias enmarcadas na programación do Arde Lvcvs Cvltvral
O xoves 12, o caterático emérito Antonio Rodríguez falará sobre o faro romano de Birgantium Flavium e a súa relación coa cidade; e o venres 13, o musicólogo Martin Blanes reflexionará sobre a reconstrución da música da Antiga Roma
A entrada é libre e o aforo estará limitado a 29 prazas cada conferencia que se cubrirán por orde de chegada
- Tema
- Cultura e Turismo,
- Programación cultural,
- Museos e exposicións,
- Xestión cultural
A programación do Arde Lvcvs Cvltvral, que comezou o pasado mes de setembro con actividades adaptadas ao novo escenario provocado pola Covid-19, e respectando as restricións sanitarias de cada momento, ofrecerá esta semana dúas conferencias no auditorio do Vello Cárcere. Concretamente, serán o xoves, 12 e o venres, 13 de novembro, ambas as dúas a partir das 20:00 horas.
Por unha banda, a conferencia do xoves 12, que realiza a área de Xuventude xunto á Cohors III Lucensium, e que posibilita traer ata o Vello Cárcere ao catedrático emérito e profesor investigador ad honorem da Universidade de Santiago de Compostela, Antonio Rodríguez Colmenero; que falará sobre o faro romano de Birgantium Flavium e a súa relación coa ciade de Lucus Augusti
E por outra, a charla do día 13, coa que Xuventude e a asociación Vestales Lucus Augusti, achegarán a Lugo unha reflexión sobre a reconstrución da música da Antiga Roma, da mán do musicólogo Martín Blanes.
A entrada é libre e o aforo estará limitado a 29 prazas cada conferencia que se cubrirán por orde de chegada.