A Concelleira de Cultura, Turismo, Xuventude e Promoción da Lingua, Carmen Basadre, presentou este xoves á protagonista da segunda cata literaria do Museo Interactivo da Historia de Lugo (MIHL), a lancaresa Rocío López, “unha apaixoada do suspense”, tal e como a definiu a edil.

Nas Catas Literarias, que terán lugar o segundo xoves de cada mes ata xuño, mistúrase literatura, gastronomía lucense, viño da Ribeira Sacra e música de Lugo. O oncólogo e investigador José Ramón Germa Llug será o encargado de ofrecer a cata do mes de marzo.