A alcaldesa de Lugo, Lara Méndez, participaba esta tarde na primeira xornada dunha nova edición, a 23ª, da tradicional Feira do Campo e Artesanía de San Isidro que se celebra esta fin de semana no barrio da Milagrosa.

Nesta ocasión, o pregoeiro da cita foi o Concelleiro de Medio Rural e Deportes, Miguel Fernández, que aproveitou a súa intervención para destacar a importancia de recuperar as orixes rurais, poñelas en valor e difundir a calidade dos produtos da terra. Un descurso que se puido seguir a través do Facebook do Concello e que se realizou a porta pechada, ante un número moi reducido de autoridades e axustándose ás limitacions impostas pola crise sanitaria.

Este ano, a feira, que tivo que ser aprazada en dúas ocasións pola pandemia, contará con medio cento de expositores tanto da provincia, como do resto de Galicia, Castela e León e norte de Portugal.