O pleno celebrado esta mañá no Concello de Lugo aprobou a nova organización municipal para o vindeiro mandato.

A proposta do novo executivo presidido por Elena Candia permitirá reducir nun 40% o gasto político da estrutura de goberno respecto ao anterior bipartito de PSOE e BNG.

Durante a sesión tamén quedaron constituídas as diferentes comisións municipais.

Tal e como se acordara previamente cos grupos da oposición do PSOE e do BNG, o goberno municipal impulsou a convocatoria deste pleno coa maior celeridade posible para garantir o funcionamento ordinario da administración e avanzar na posta en marcha da nova organización municipal.

O executivo local destaca que esta aprobación permite seguir avanzando nun modelo de goberno baseado na operatividade, na coordinación e na eficiencia na xestión dos recursos públicos.