Hoxe ás oito da tarde inaugúrase na cafetería do Museo Interactivo da Historia de Lugo, dentro do ciclo "Proxectos MIHL", a instalación de Mónica Trastoy titulada Liñas de luz, segundo informa a Concellería de Cultura, Turismo, Xuventude e Promoción da Lingua.

Mónica Trastoy realiza unha investigación en torno aos elementos estructurais da pintura nun intento de elaborar obras que trascenden os límites tradicionais do cadro, expandíndose cara o entorno no que é situado. Deste xeito a parede é utilizada como unha prolongación do cadro, na cal coloca diferentes medios e formatos para aproveitar as características específicas do espazo.

Esta "pintura expandida" fai que o espectador observe o espazo e participe activamente na obra establecendo recorridos visuais subxectivos.