O Goberno reforza a brigada de Vías e Obras con seis novos traballadores
- Tema
- Emprego,
- Infraestruturas
O Concelleiro de Educación e Infraestruturas Urbanas, Manuel Núñez, anunciou este mércores que reforzará a brigada municipal de Vías e Obras coa contratación durante seis meses de seis novos traballadores: tres oficiais albaneis e tres operarios, “co obxecto de facer unha serie de traballos de mantemento e melloras en rúas da cidade, que complementarán ás actuacións desenvolvidas a través do Plan Mellora Lugo de infraestruturas, que rematou recentemente”, explicou o edil.
Os traballadores contratados forman parte da lista resultante do proceso selectivo convocado polo Concello para a cobertura temporal de prazas de operario.
As tarefas a desenvolver estarán relacionadas co arranxo e mantemento de gabias, canles e reixas de recollida de augas pluviais, rexistros de saneamento, bolardos e sinais, ou pavimentación da rede viaria.
Audio
- Manuel Núñez, sobre os seis novos traballadores | Descargar mp3 [1]