O Goberno Local reconstruirá a Ponte do Río Mera tras ser derrubada polo temporal
- Tema
- Urbanismo
A Concellería de Medio Ambiente e Zona Rural que dirixe Lino González Dopeso tomou a decisión de encargar un proxecto para reconstruír a Ponte do Río Mera tras ser derrubada polo temporal que afectou á cidade nos últimos días.
A Ponte do Río Mera ía ser ampliada con cargo ao Fondo Estatal de Investimento Local. A Concellería de Medio Rural estuda agora a posibilidade de modificar o fin deses fondos para que axuden a reconstruír a infraestrutura.
Así, o proxecto que vai encargar o Concello estimará o custo total da actuación para recuperar a ponte, así como os traballos concretos que hai que acometer para rehabilitala cos mesmos usos que viña prestando.
O Concello de Lugo lamenta as molestias ocasionadas aos que transitaban pola ponte e espera poder recuperala no menor tempo posible.