O Goberno de Lugo avanza no soterramento do cableado da rede de alumeado con novas intervencións na cidade
Rubén Arroxo: “estanse a soterrar os cables do alumeado público da praza de Bretaña, rúa Galiza e Celso Emilio Ferreiro”
O Tenente de Alcaldesa afirmou que “con esta intervención continuamos a avanzar na mellora da imaxe das rúas da cidade”
- Tema
- Obras en execución
O Tenente de alcaldesa e concelleiro de Mobilidade e Infraestruturas, Rubén Arroxo, anunciou a intervención que está a realizar o Concello de Lugo en colaboración con BEGASA. Arroxo explicou que “continuamos a avanzar na mellora da imaxe da cidade soterrando os cruces do cableado da rede de alumeado público do Concello”.
A actuación estase realizando nos cruces do cableado das rúas Galiza e Celso Emilio Ferreiro, e na praza de Bretaña, “tres cruces de cables que nos vindeiros días deixarán de existir, seguindo coa liña de traballo na que estamos a avanzar desde o Goberno de Lugo”, afirmou o Tenente Alcalde, que explicou “este tipo de actuacións requiren de trámites complexos, ao requerirse do traballo en conxunto do Concello e das compañías responsábeis do cableado tanto eléctrico como de telecomunicacións”.
O Goberno de Lugo realizou diversas actuacións deste tipo nos últimos meses. Rubén Arroxo lembrou que “ao mesmo tempo que se renovaba o alumeado no Grupo da Paz preparouse a zona para soterrar os cruces do cableado, acción que se executará nas vindeiras semanas”.
Audio
- Rubén Arroxo, sobre o cableado | Descargar mp3 [1]