O Goberno de Lara Méndez, amplía as actividades de lecer alternativo destinadas á mocidade ofrecendo un curso de DJ, incluído no programa +Xti, que subvenciona o Plan Nacional sobre Drogas adscrito á área de Xuventude, concretamente no subprograma “Ocio nocturno” co obxectivo de dar resposta aos diferentes intereses dos lucenses relacionados coa música.

Segundo o edil, desde hai tempo considerou como “prioritarias” as actuacións relativas á promoción do lecer formativo e de creación cultural e artística. Neste sentido sinalou que é “unha boa alternativa co obxectivo da profesionalización neste ámbito, xa que a formación vai dirixida á poboación nova para que os participantes ao finalizar o curso dispoñan dos coñecementos adecuados para afrontar con seguridade o desenvolvemento dunha sesión de dj” finalizaba Repetto.

A acción formativa, de carácter gratuíta, está aberta a un máximo de 12 prazas, para mozos e mozas maiores de 14 anos. Poden inscribirse na web www.lugomasxti.org [1], do 8 ao 18 de agosto e a selección farase por rigorosa orde. Terá lugar, na Casa da Música, do 22 ao 25 de agosto das 16.30 ás 22.30h.