O concelleiro de Desenvolvemento Local e Emprego, Mauricio Repetto, e a directora rexional de Inserta Empleo en Galicia, Menchu Iglesias, presentaban esta mañá a primeira Xornada Speed Networking que este xoves terá lugar no CEI – Nodus.

Baixo o lema “Unha dobre oportunidade” o Espazo Lab – Centro de Formación e Orientación Laboral do Concello acollerá pasado mañá, en horario de 10:00 a 12:00 horas, esta iniciativa coa que se persegue reunir a persoas traballadoras e desempregadas con diversidade funcional e a empresas de diferentes sectores que desenvolven a súa actividade en Lugo para poder establecer redes de contactos, facer visibles os seus perfís profesionais así como facilitar a súa inserción laboral.

“O Concello de lugo asume así – indicou o edil - o compromiso pola inclusión, apostando porque esta integración social se leve a cabo sen barreiras de ningún tipo e poñendo a disposición os medios e recursos municipais no eixo do emprendemento para que as persoas con discapacidade sexan actores fundamentais na estratexia de desenvolvemento de Lugo”.

Mauricio Repetto explicou tamén que a actividade comezará coa intervención da judoka integrante do equipo de Trainers Paralímpicos da Fundación ONCE, Marta Arce e posteriormente se celebrará un período de networking, de aproximadamente unha hora, no cal os participantes terán ocasión de interactuar entre sí para intercambiar perfís e ampliar información acerca das súas competencias.

Pola súa banda, Menchu Iglesias, reseñou a importancia da colaboración institucional para propiciar a creación destas xornadas, ás que xa se apuntaron máis de medio cento de participantes e que servirán como marco idóneo para xerar oportunidades de emprego.

Cartel

• Cartel da xornada "Speed Networking" | Descargar pdf [1]

Audio

• Mauricio Repetto, sobre a xornada "Speed Networking" | Descargar mp3 [2]
• Menchu Iglesias, sobre a xornada "Speed Networking" | Descargar mp3 [3]