A Concelleira de Concello e Cidadanía, Rosana Rielo, avanzou as actividades que organiza un ano máis a entidade local para conmemorar o Día da Nai no Cemiterio Municipal de San Froilán, un espazo que atesoura os premios de Mellor Monumento Arquitectónico de Cemiterios de España e o de Mellor Actividade de Portas Abertas de Cemiterios de España. Celebraranse este domingo, 5 maio, e están enfocadas a ser un acto de acompañamento para as persoas que, nestas datas visitan o camposanto, co fin de realizar unha homenaxe familiar e íntima, proporcionándolles un ambiente cálido e acolledor.

As actividades comezarán ás 13:00 horas coa xa tradicional ofrenda floral, que irá acompañada dunha representación teatral, a cargo de Palioquiños e cia, baixo o título de Canto te quero nai! Apértasme?. Haberá ademais música clásica.

Rielo convidou aos veciños e veciñas a sumarse a esta programación, elaborada dende o máis fondo respecto e coa intención de acompañar a familias.