O Concello reparte 3.000 bolsas para as compras do Mercado Municipal e da Praza de Abastos
Trátase dun material de promoción e sensibilización para mercar en galego, mercar produtos autóctonos e mercar en igualdade
- Tema
- Cultura e Turismo,
- Promoción da lingua,
- Mercados
Luns, 26 de decembro de 2016
Fonte:
Gabinete de Prensa
A Concelleira de Cultura, Turismo, Xuventude e Promoción da Lingua, Carmen Basadre, anunciou este luns que o Concello repartirá 3.000 bolsas no Mercado Municipal e na Praza de Abastos. Trátase de bolsas de papel reciclado de tamaño medio-grande que os tendeiros ofrecerán aos seus clientes para levarse a súa compra á casa, que busca promover e sensibilizar para mercar en galego, para mercar produtos autóctonos e para mercar en igualdade.