Ao longo da xornada de onte, tiveron lugar no Pazo de Feiras unha mostra da riqueza cultural de Colombia a través de actuacións de danza e música tradicional, degustacións gastronómicas e diferentes actividades nas que a comunidade colombiana compartiu coa cidadanía lucense unha parte da súa historia, das súas raíces e da súa identidade.

 

Durante o encontro, a alcaldesa, Elena Candia, destacou que "Lugo é unha cidade que medra cando abre as súas portas á diversidade, ao respecto e á convivencia entre culturas", ao tempo que puxo en valor a achega das persoas procedentes doutros países á vida social, económica e cultural do municipio.