O Circuíto Galego de Teatro Amador é unha iniciativa organizada pola FEGATEA (Federación Galega de Teatro Amador) xunto con Achádego Teatro, coa colaboración do Concello de Lugo que ten por obxecto achegar o teatro aficcionado e fomentar que as agrupacións actúen fóra do seu entorno xeográfico habitual.

A programación desenvolverase durante dúas fins de semana consecutivas e permitirá ao público lucense achegarse a diferentes propostas de compañías e grupos de teatro galegos.

O ciclo contará con catro representacións no Auditorio Municipal Gustavo Freire, os días 12, 13, 19 e 20 de setembro, con entradas a 3 euros. 

O concelleiro de Cultura, Javier Vázquez, destacou a importancia de manter este tipo de propostas dentro da programación cultural da cidade: “Desde a Concellaría de Cultura queremos seguir facilitando espazos para que as compañías poidan amosar as súas propostas e para que a cidadanía poida achegarse ao teatro”.

Vázquez puxo tamén en valor a participación de Achádego Teatro, que participa na organización do circuíto xunto con FEGATEA, e agradeceu o seu compromiso coa actividade teatral.

As entradas teñen un prezo de 3 euros e poderán adquirirse no propio Auditorio Municipal Gustavo Freire o día de cada función, na oficina municipal de turismo na Praza do Campo ou a través do portal entradaslugo.es.

O programa

 

12 de setembro | 20.30 horas

 

A montaxe pon en escena pequenas historias de Cousas e outros relatos de Castelao. Nos seus contos, Castelao retrata a Galicia, a súa cultura e a súa realidade socioeconómica, así como os emigrantes, os maiores, os afogados no mar, os fachendosos e os nenos. 

 

13 de setembro | 18.30 horas

 

Unha actriz fracasada agarda tras o pano o inicio da función. Unha visita inesperada, absurda e misteriosa fará que todo o mundo da protagonista dea un xiro. A obra é unha nova comedia de Teatro Pesadelo que aborda as miserias humanas e as precarias condicións das actrices e actores do noso país. 

 

19 de setembro | 20.30 horas

 

Unha peza de comedia e drama na que as vidas de Manuel Díaz, o médico dos pobres, Rafael de Vega, Franco e xente común se mesturan coa historia ficcional de Rebuldeira Teatro na Guerra Civil. 

 

20 de setembro | 18.30 horas

 

Unha comedia ambientada nun país imaxinario e na época actual, na que un comando contrario ao réxime existente prepara un atentado contra o tirano que goberna o país.