O Concello oferta dous novos cursos gratuítos como alternativa de ocio para a mocidade lucense
Trátase dos cursos de Educación de Rúa e Ocio Inclusivo que terán lugar na Casa da Xuventude do 27 de febreiro ao 9 de abril, e do 15 de abril ao 20 de maio, respectivamente. Os interesados poden inscribirse na Casa da Xuventude
- Tema
- Cultura e Turismo,
- Xuventude,
- Prevención de drogodependencias
A Concelleira de Cultura, Turismo, Xuventude e Promoción da Lingua, Carmen Basadre, deu a coñecer este martes dous novos cursos gratuítos que organiza o Concello, enmarcados dentro do programa +Xti de prevención no consumo de drogas, dirixidos aos mozos e mozas de Lugo. Trátase das actividades de Educación de Rúa e Ocio Inclusivo, que terán lugar na Casa da Xuventude do 27 de febreiro ao 9 de abril, e do 15 de abril ao 20 de maio, os sábados en horario de 10:00 a 14:00 horas e de 16:30 a 20:30 horas e os venres de 16:30 a 20:30 horas e sábados de 10:00 a 14:00 horas, respectivamente.
“Coa organización destes talleres, o Concello busca ofrecer unha alternativa distinta aos rapaces para que empreguen o seu tempo de lecer na aprendizaxe de habilidades sociais, ao tempo que se relacionan con outros mozos da súa idade”, subliñou Basadre.
Grazas a estes talleres, os mozos e mozas poderán reflexionar sobre as funcións do traballo socioeducativo, así como tomar consciencia das súas áreas de intervención. Tamén terán a oportunidade de sensibilizarse coa diversidade, a través de actividades de inclusión.
Todos os interesados poden inscribirse na Casa da Xuventude, ata o xoves 25 de febreiro, para o curso de Educación de Rúa, e ata o 13 de abril para o de Ocio Inclusivo. A selección será por rigorosa orde de inscrición.
Estas dúas novas actividades súmanse a outras que o Concello ten programadas tamén dentro do programa +Xti. Trátase de actividades físicas, como o acrosport, un deporte que combina acrobacia e coreografía, hip-hop, breakdance, parkour, defensa persoalm a arte marcial wushu, zumba, adestramento físico, patinaxe en liña, tiro con arco ou tenis de mesa.
Máis información na web www.lugo.gal [1] ou no teléfono de atención cidadá 010.
Audio
- Carmen Basadre, sobre os dous novos cursos gratuítos que organiza o Concello |Descargar mp3 [2]