O Pleno Ordinario deste xoves aprobará unha declaración institucional sobre o día de conmemoración anual en memoria das vítimas do Holocausto, que tivo como resultado que un tercio do pobo xudeu e innumerables membros doutras minorías morreran asasinadas.

En particular, o Concello, con esta declaración, quere lembrar aos máis de 10.000 republicanos españois que terminaron deportados nos campos nazis pola colaboración do ditador Francisco Franco co nazismo alemán e o fascismo italiano. Segundo algunhas fontes historiográficas, preto de 200 deles eran orixinarios de Galicia e morreron alí ou foron liberados, pero nunca puideron regresar porque a ditadura franquista, que lles retirara previamente a nacionalidade, lles negou o dereito a regresaren ao seu país de orixe.

Así memo, con esta declaración o Concello condena todas as manifestacións de intolerancia rexlixiosa, incitación, acoso ou violencia contra as persoas ou comunidades basadas na orixe étnica ou nas creanzas relixiosas, así como insta a traballar arreo contra os posibles brotes de racismo, xenofobia e todo tipo de discriminacións. Tamén chama, tanto á cidadanía como organizacións, a permaneceren vixiantes para que nunca máis un réxime como o que produciu o Holocausto poida asentarse en ningún lugar do mundo.