Operarios do servizo de mantemento de Parques e Xardíns procedían esta mañá a renovar a ornamentación floral exterior da Casa Consistorial.

En total, foron 48 plantas, da variedade “unlla de gato” - moi resistente e que soporta ben a humidade – as que pasaron a ocupar as 16 macetas penduradas do balcón principal da Casa Consistorial.

Substitúen, entre outras especies, ás hedras, kalanchoes e petunias que durante a primavera e o verán encheron de cor a fachada das dependencias municipais, completando así a paisaxe que ofrece a zona verde da Praza Maior.

A determinación da administración local por escoller este tipo de decoración vexetal encádrase na aposta decidida da alcaldía pola utilización, transversal a tódolos eidos de actuación municipal, dos recursos naturais dentro do modelo de cidade sustentable e respectuosa co medio ambiente que se persegue para Lugo.