A Alcaldesa de Lugo, Lara Méndez, participou este luns na Praza Maior nas actividades organizadas polo Concello de Lugo para celebrar o Día Europeo das Linguas, baixo o nome de Interrail: un viaje por las lenguas europeas. A entidade local súmase un ano máis a conmemoración deste día con actividades gratuítas para concienciar aos lucenses, e especialmente aos máis cativos, sobre os conceptos da Unión Europea e a súa diversidade cultural e lingüística. Do mesmo xeito, esta xornada, na que se instalou unha mesa informativa, pretende sensibilizar sobre a importancia de aprender idiomas.

Ao longo da mañá tamén tiveron lugar diversas actividades dirixidas aos colexios na Praza de Abastos, ata onde se achegou a Concelleira de Economía, Emprego e Desenvolvemento Económico, Ana Prieto.