A concelleira de Participación e Servizos para a Veciñanza informou que, desde o 14 de abril, o Concello de Lugo emitiu 1.369 certificados de empadronamento. Cristina López afirmou que “houbo unha resposta máis que satisfactoria ao alto número de solicitudes presentadas” e agradeceu “o esforzo e implicación do persoal do departamento”.

“A posta en marcha do Plan Reanima incrementou considerablemente o número de solicitudes de certificados”, afirmou Cristina López, que explicou “os certificados fóronse expedindo a medida que  foron entrando as solicitudes, e entregáronse en función da capacidade do departamento”. Cristina López lembrou que “se puxo en marcha un procedemento especial para atender telematicamente as solicitudes e evitar tanto desprazamentos de veciños e veciñas como acumulación de persoas nas dependencias municipais”.

Cristina López afirmou que nos vindeiros días se continuarán a entregar os certificados que aínda están pendentes das máis de dúas mil solicitudes recibidas nas últimas semanas.