Membros do Goberno Local participaron esta mañá no acto polo Día Internacional das Persoas con Discapacidade, que consistiu na lectura dun manifesto, que co lema “Baixo o mesmo paraugas” reclamou os mesmos dereitos para estas persoas e para garantir unha vida plena e digna. O acto foi convocado pola asociación Raiolas e polo centro de San Vicente de Paúl, pero concentrou fronte á Casa do Concello a representantes e integrantes dunha vintena de asociacións e colectivos que traballan a prol da inclusión e do Benestar Social.

A lectura do manifesto correo a cargo de dous usuarios das asociacións, que pediron ás administracións e á sociedade unión e compromiso para que as persoas con discapacidade teñan os mesmos dereitos que calquera outro cidadán. O acto de Lugo, fronte a Casa do Concello, se une ao resto de iniciativas que hoxe estaban convocadas noutras prazas das principais cidades galegas. A concentración rematou coa canción de Macaco “Somos una marea de gente” e a apertura de decenas de paraugas de cores, para simbolizar tamén a diversidade.