O Servizo Municipal de Prevención das Drogodependencias da Concellería de Muller e Benestar Social que dirixe Carmen Basadre, organiza para os xoves do mes de xullo unha nova actividade dirixida á mocidade lucense de entre 12 e 35 anos.

Entre as 20:00 e as 22:00 horas as persoas que se acheguen ata a Casa da Música do Concello de Lugo poderán desfrutar da actividade Xogos Reunidos. Poranse á disposición dos asistentes diferentes consolas de videoxogos.

A entrada para participar nesta nova actividade será totalmente gratuíta.