A Concellería de Cultura, Turismo, Xuventude e Promoción da Lingua, informa que o próximo luns 23 de febreiro ábrese o prazo para inscribirse en dous novos cursos do programa +XTI.

O Curso Básico de Reparación e Aplicación para móbiles e electrónica básica impartirase entre o 6 de marzo e o 16 de maio os venres e os sábados entre as 16.30 e as 20.30 horas. O curso formativo que terá 14 prazas desenvolverase nunha das salas de obradoiros do Centro Convivencia Uxio Novoneyra e está dirixido á mocidade de 18 a 35 anos.

O outro curso no que está aberto o prazo de inscrición é o Curso de Timelapse, Fotografía Panorámica e 360º que se impartirá entre o 6 de marzo e o 15 de maio en horario de venres entre as 16.30 e as 20.30 e os sábados de mañá de 10 a 14 horas na Casa da Xuventude. O número de prazas é de 15 e os destinatarias son mozos e mozas de entre 18 e 35 anos.

En ambos casos o lugar de presentación é na Casa da Xuventude e o prazo de inscrición remata o 4 de marzo.