A Corporación Municipal mostra o seu profundo pesar polo falecemento do escritor Xosé Neira Vilas. O seu pasamento non só entristece ao mundo da cultura, senón a todos os galegos e galegas, que hoxe quedan orfos dun importante referente da súa identidade.

Neira Vilas deixa un importante legado á literatura, do que forma parte o libro Memorias dun neno labrego, que se converteu na novela galega máis lida, editada e traducida.