“O Concello de Lugo segue apostando por apoiar o traballo das asociacións, nós non recortamos nin pasamos a pelota a outras institucións, senon que seguimos traballando para que a sociedade luguesa teña un pouco máis fácil a vida”, declarou Ana González.

A Concelleira de Benestar Social informou de que “este ano volvemos adicar 28.000 euros a estas axudas destinadas a todas as asociacións que leven a cabo traballos a prol de colectivos en desvantaxe social”.

O prazo abrirase previsiblemente a semana que vén, tan pronto se publique a convocatoria o Diario Oficial de Galicia, e prolongarase durante un mes.

O ano pasado foron 9 as entidades que recibiron estas axudas do Concello, das 13 que presentaron solicitude, e o importe das achegas oscilou entre 3.000 e 5.000 euros, en función das características dos proxectos subvencionados.