A alcaldesa de Lugo, Paula Alvarellos, informou esta mañá que nos próximos días farase efectiva a incorporación ao posto de interventor municipal de Luis Ramón Vázquez Parga. O novo habilitado nacional é natural de Lugo e desde 2020 exerce como viceinterventor de clase primeira no Concello de Ferrol. “É un pracer poder incorporar ao equipo de traballo municipal a unha persoa avalada cunha traxectoria profesional como a que presenta Luis Ramón Vázquez Parga. Sen dúbida o labor dun interventor é capital na xestión local e está chamado a desenvolver un papel de gran valor para o noso municipio. Queremos agracer o seu compromiso coa nosa cidade”, sinalou a alcaldesa.

Vázquez Parga conta cunha dilata experiencia na administración local, antes de ocupar o seu posto no municipo ferrolán exerceu tamén como interventor nos concellos de Ribadeo, entre 2013 e 2020, e en Foz, entre o ano 2007 e 2013. As súas pimeiras funcións como servidor público desenvolveunas en Cantabria onde traballou en Santillana de Mar e Santa María de Cayón.

O novo interventor municipal é Licenciado en Administración e Dirección de empresas pola USC e posue un master en Auditoría Pública, pola Universidade de Castela A Mancha. É habilitado nacional desde o ano 2004 e no ano 2012 accedeu á ascala de intervención-tesourería con categoría superior.