A Concelleria de Benestar Social e Igualdade informa de que mañá, 11 de xuño, co gallo da celebración do Día Mundial da Calceta en Público, terá lugar unha actividade no que todas as persoas que o desexen poderán tecer xuntas no Mercado Municipal.

Para a actividade habilitaranse mesas e cadeiras na praza para que as persoas interesadas poidan sentarse a facer calceta ou a aprender a facela. A actividade terá lugar entre as 11:00 e as 14:00 horas e entre as 16:00 e as 19:00 horas. O acto, organizado polo Concello de Lugo, está aberto á participación de toda a cidadanía.