O Executivo de Lara Méndez abriu o prazo de solicitude de instalacións deportivas municipais para a tempada 2022 / 2023 ata o próximo venres 1 de xullo. Así o avanzou este luns o edil responsable da Concelleria de Xuventude e Deportes, Mauricio Repetto, quen informou que “os clubs que agora mesmo ocupan horario de instalacións deportivas municipais xa foron notificados mediante correo electrónico”.

Para realizar a solicitude, as entidades interesadas deberán presentar telemáticamente a solicitude co formulario 801 cuberto (solicitude IDM) dirixida á Concelleria de  Xuventude e Deportes no rexistro do Concello. O formulario atópase dispoñible no seguinte enlance: https://bit.ly/3OeUCp5 [1] Para poder solicitar instalación é obrigatorio estar dado de alta no Rexistro Municipal de Asociacións [2].

Un total de 110 clubs da cidade de Lugo utilizan todas as instalacións deportivas municipais ao longo da súa tempada, cedidas de maneira gratuíta para todos os seus adestramentos e competicións, que sumado ao importe que reciben das distintas subvencións deportivas municipais "poñen en valor" o apoio do Goberno de Lara Méndez ao deporte base e federado do municipio.