O Concelleiro de Educación e Infraestruturas Urbanas, Manuel Núñez, avanzou este martes o remate das tarefas de arranxo dunha parte do muro que rodea o colexio público de Albeiros, que se derrubara nos últimos días. Deste xeito, con estas actuacións, a entidade local garante a seguridade do alumnado.

O Concello levou a cabo estes traballos de reconstrución e de pintura a través do Plan Mellora Lugo, que xunto á area de actuación de infraestruturas e educación, engloba outras tarefas en medio rural, deportes e medio ambiente. Este plan foi posto en marcha un ano máis polo Goberno co dobre obxectivo de fomentar o emprego e realizar traballos de acondicinamento e mantementode instalacións e zonas públicas.