A baixada de soldos, proposta polo Goberno local, e aprobada por unanimidade e sen debate, supón que o Alcalde verá diminuido nun 8% o seu salario e os Concelleiros un 7%, seguindo as directrices que aprobou a Federación Española de Municipios e Provincias.
Con anterioridade a esta medida, a Corporación lucense tiña conxelados os seus salarios dende hai dous anos, tamén a proposta do Alcalde, José López Orozco.

A corporación aprobou tamén instar á Xunta de Galicia a que faga unha nova asignación de colexios beneficiados polo Proxecto Abalar no Concello de Lugo. Á proposta, que presentou o grupo socialista, incorporouselle unha enmenda do BNG na que se propón adicar ó fomento das novas tecnoloxías no ámbito educativo o millón de euros reservado pola Xunta á campaña do novo decreto do galego no ensino.