O Concello amósalle á Consellería de Educación os terreos que lle ofrece para construir un novo colexio no Sagrado Corazón
- Tema
- Urbanismo
Xoves, 13 de xuño de 2013
Fonte:
Gabinete de Prensa
O Alcalde, José López Orozco, e o Concelleiro de Urbanismo, Luis Álvarez, reuníronse hoxe co Secretario Xeral Técnico da Consellería de Educación, Jesús Oitavén, ó que lle facitaron máis información sobre os terreos que o Concello lle ofrece á Consellería para que constrúa un novo colexio no barrio do Sagrado Corazón.
O encontro tivo lugar esta mañá na Casa do Concello, e tamén participaron nel a Directora Xeral de Patrimonio Cultural, Mª Carmen Martínez, xunto con técnicos municipais e autonómicos.
Logo da reunión, o Concelleiro de Urbanismo e os técnicos municipais acompañaron á delegación de Educación a coñecer in situ os terreos que ofrece o Concello.
Trala visita, Luis Álvarez explicou que o Concello daralle toda a colaboración precisa á Consellería, que inicialmente pedía 8.000 metros cadrados e agora ampliou os 10.000 metros cadrados a superficie necesaria.
Tamén manifestou que o Concello está disposto a atender ese novo requerimento para que a Consellería de Educación constrúa o colexio para atender as necesidades dos veciños do barrio do Sagrado Corazón.