A Xunta de Goberno deste mércores aprobou a apertura do procedemento de contratación do servizo de comidas ás persoas usuarias do centro de día Antonio Gandoy, que conta con 50 prazas. A duración de dito contrato será de dous anos, podendo ser prorrogado por períodos máximos anuais ata un máximo total de catro anos, e o orzamento máximo pra a primeira anualidade ascende a uns 67.000 euros.

O número estimado de menús menusais é de 1.161 almorzos, 1.173 xantares e 1.161 merendas. Dito servizo prestarase todos os días da semana, de luns a domingo, excepto festivos.

O prazo de presentación de proposicións, que deberá facerse no Rexistro Xeral do Concello, será de 15 días naturais contados dende a publicación do anuncio de licitación no Boletín Oficial da Provincial (BOP). Tamén se publicará no perfil do contratante da web do Concello, www.lugo.gal [1].

En materia de benestar, na sesión deste mércores aprobouse definitivamente o expediente de modificación prevista do contrato do servizo de axuda no fogar, entre o Concello e Valoriza Servicios a la Dependencia, S.A., incrementándose o número de horas de atención en 8.854 horas máis, cun prezo anual de 2.3 millóns de euros.

Entre outros asuntos, tamén se acordou adxudicar a Enfermería de Xestión Sociosanitaria, S.L., a execucuón do contrato de 20 prazas en centro de día para atención de persoas maiores, en réxime de atención diúrna, por un importe, a primeira anualidade, de 599,04 euros anuais por praza.