A área de Muller e Igualdade do Concello de Lugo, que dirixe Ángeles Novo, sigue adiante co desenvolvemento das xornadas de Saúde Feminina, un ciclo que o xoves, día 8 de maio, abordará unha nova charla sobre a menopausia, que estará impartida polas doutoras Raña e Varela, do Servizo de Xinecoloxía do Hula. A asistencia a esta actividade, que é gratuíta, se desenvolverá no Vello  Cárcere a partir das 18.00 horas.

Esta nova conferencia abordará os principais síntomas da menopausia, os cambios, tanto físicos como emocionais, que se producen na muller e tamén os distintos tratamentos para frear ou paliar algunhas das consecuencias derivadas deste cambio, desde as terapias hormonais á adopción dun estilo de vida e duns hábitos máis saudables e beneficiosos para a muller. A edil Ángeles Novo, sinala que “con esta nova xornada o noso obxectivo é afondar na saúde das mulleres e de dar visibilidade a esta etapa, normal e común na vida de toda muller, para o que contaremos con dúas expertas na materia, que aportarán luz sobre un dos temas máis demandados e que suscita maior interese no que respecta á saúde feminina”.

As ponencias e obradoiros deste ciclo, que comezou o pasado mes de abril e que se desenvolverá ata xuño, abordará en próximas datas temas como “a saúde bucodental na muller”, para o que se contará coa colaboración da Fundación Clínica Dental Solidaria de Lugo e sobre “O Lipedema: a importancia do exercicio na muller”.