Nesa xornada, a Comisión Europea en España celebrará un evento na nosa cidade contando coa participación da súa Directora de Comunicación que responderá a todas as dúbidas e preguntas sobre as políticas que está a poñer en marcha a Unión Europea e tamén falará de como benefician á sociedade as medidas desenvolvidas relacionadas coa conservación do medio ambiente, a inmigración, o estímulo ás empresas e Pemes, os programas para os mozos, ou a economía dixital, etc.

Un acto ao que dende o CEI – Nodus se anima a asistir a toda a poboación xa que se trata dunha estupenda ocasión para que a veciñanza poida expor as súas dúbidas e inquietudes con relación ás políticas europeas.

O “Café con Europa” terá lugar no local A Ferretería o 16 de decembro ás 19:30 horas e será aberto ao público. As persoas interesadas deberán inscribirse na seguinte ligazón:
https://www.eventbrite.es/e/entradas-cafe-con-europa-lugo-84717974743?utm_term=eventurl_text. [1]