O Centro de Convivencia Fingoi dentro da programación de actividades de Animación Sociocultural organizadas pola Concellería de Benestar Social e Igualdade, leva a cabo un obradoiro que baixo o nome de Coñece Lugo fanse visitas a distintos lugares do concello para que se coñeza o que temos máis próximo.

Así, como actividades complementarias véñense desenvolvendo periodicamente visitas a lugares de interés, sobre todo á cidade para coñecer de primeira man os nosos museos.

A próxima saída será este venres 23 de maio  e as persoas que se inscriban van visitar o Castro de Viladonga e as ruínas pre-romanas de Santa Eulalia de Bóveda. A hora de saída será ás 9:00 h. do Centro de Convivencia Fingoi e está prevista a volta ao mesmo lugar como máximo para ás 15:00 h.

Para asistir terán preferencia as persoas que conforman o grupo de Coñece Lugo pero poderán participar o resto dos usuarios do centro e persoas interesadas ata un total de 50 prazas. A inscrición realizarase no Centro de Convivencia de Fingoi e os interesados deberán abonar unha cota de 4,12 € utilizando o modelo 603 de pago de actividades de animación sociocultural.