O Alcalde de Lugo, José López Orozco, e o Concellerio de Deportes, José Manuel Díaz Grandío, recibiron aos nove rapaces que se proclamaron recentemente Campións de España de Fútbol Sala na categoría de alevíns e que forman parte do equipo do Colexio dos Maristas.

Os xogadores acudiron ao acto, que tivo lugar ás 12:30 horas no Salón de Plenos, acompañados polo seu adestrador e amosáronlle con satisfacción os seus trofeos ao mandatario municipal. O Alcalde felicitounos polo seu logro e animounos a continuar co seu esforzo, ademais de compaxinar o deporte cos estudios.

José López Orozco entregoulles como agasallos institucionais varias publicacións do Concello e diverso material escolar “como homenaxe da cidade de Lugo ao voso triunfo e ao exemplo que sodes, tanto para os outros rapaces, como para os adultos”, destacou o edil.