O Alcalde de Lugo, José López Orozco, e o Concelleiro de Urbanismo e Medio Ambiente, Luis Álvarez, asistiron esta tarde á sesión do Parlamento na que se debateu a Iniciativa Lexislativa Popular en reclamo de Hemodinámica as 24 horas, Radioterapia e Medicina Nuclear para o HULA.

López Orozco sinalou que “xa é hora de que Feijoo cumpra co que prometeu cando inaugurou o novo hospital, ademais de ser unha necesidade para a nosa provincia e un reclamo de todos os cidadáns”. Así, nun prazo máximo dun ano, deben dotar ao HULA dos servizos de Hemodinámica as 24 horas, Radioterapia e Medicina Nuclear como se recolle na inciativa aprobada hoxe.