O Alcalde de Lugo, José López Orozco, amosou esta tarde a súa satisfacción polo acordo ó que chegaron hoxe o presidente da Deputación provincial, José Ramón Besteiro, e a conselleira de Sanidade, Pilar Farjas para a transferencia dos hospitais provinciais ó SERGAS.

O Alcalde indicou que este acordo lle produce alegría porque “vai beneficiar ó conxunto dos lucenses” e lembrou que a Deputación de Lugo era a única de Galicia que aínda tiña competencias en materia de sanidade.

López Orozco informou que esta mesma tarde o Presidente da Deputación, José Ramón Besteiro, púxose en contacto con él “co fin de empezar a analizar o posible uso que se lle dará ó Hospital de San Xosé que é un importante equipamento para a nosa cidade”. O Alcalde agradeceulle este xesto ó titular da Deputación e indicou que “chegaremos a acordos que beneficien ós lucenses”.

O Alcalde lembrou que a transferencia dos hospitais producirase o 1 de xaneiro do ano que vén e para daquela, dixo, “teremos que ter unha programación” do que se fará.