A Noite de San Xoán na cidade contou cun número bastante elevado de fogueiras, a Policía Local do Concello de Lugo tramitou un total de 348 solicitudes tanto no centro urbán como na zona rural, pero isto non impediu que a celebración tivera lugar con total normalidade.

O dispositivo organizado pola Concellería de Protección da Comunidade estivo a traballar ao longo da noite realizando labores de control e seguimento co obxectivo de evitar posibles incidentes e danos ás persoas, bens patrimoniais e medio ambiente.

Bombeiros, Protección Civil, e Policía Local comprobaron os riscos das fogueiras nas horas antes ao inicio da queima, e durante a mesma visitarán as fogueiras por se fora necesaria a súa intervención.