A música será protagonista esta fin de semana no Vello Cárcere
Este centro sociocultural acollerá tres concertos diferentes. O sábado será a quenda dunha artista que leva 35 anos nos escenarios, Vanesa Muela, que pecha o ciclo de Músicas Mesturadas, xunto ao Trío Zarabal, a partir das 20:30 horas
O domingo haberá actuacións musicais en xornada de mañá e de tarde. Ás 13:00 horas, será a quenda de Lucus Ensemble e amigos. Xa de tarde, dende as 19:00 horas, Sonia Lebedynski presentará o seu novo disco, Desertos de Centos
- Tema
- Música,
- Programación cultural
A música será protagonista esta fin de semana no Vello Cárcere. Concretamente, este centro sociocultural acollerá tres concertos diferentes. O sábado, 1 de xuño, será a quenda dunha artista que leva 35 anos nos escenarios, Vanesa Muela, que pecha o ciclo de Músicas Mesturadas, organizado polo Concello, xunto ao Trío Zarabal. Será a partir das 20:30 horas.
O domingo, 2 de xuño, haberá actuacións musicais en xornada de mañá e de tarde. Ás 13:00 horas, será a quenda de Lucus Ensemble e amigos para celebrar o seu quinto aniversario. Xa de tarde, dende as 19:00 horas, dentro da programación de Mulleres con Forza, Sonia Lebedynski presentará o seu novo disco, Desertos de Centos.
A asistencia a calquera destas actividades é totalmente de balde, ata completar cabida.
- A edil Carmen Basadre, sobre os eventos no Vello Cárcere | Descargar mp3 [1]